„ნაპოლის“ ფეხბურთელმა პიოტრ ზიელინსკიმ „ვერონასთან“ მატჩში გოლი ხვიჩა კვარაცხელიას პასით გაიტანა და მატჩის შემდეგ ქართველ ფეხბურთელზე კომენტარიც გააკეთა.

„მან აჩვენა, რომ ძალიან ხარისხიანი მოთამაშეა. ჩვენ შეგვიძლია მხოლოდ ბედნიერები ვიყოთ, რომ მისნაირი შესანიშნავი ფეხბურთელი დავიმატეთ. თუმცა, სხვა ბევრი კარგი ფეხბურთელიც მოვიდა, რომლებიც დარწმუნებული ვარ, სეზონის განმავლობაში დაგვეხმარებიან“, - თქვა ზიელინსკიმ.

შეგახსენებთ, რომ „ნაპოლიმ“ „ვერონა“ 5:2 დაამარცხა და ხვიჩა კვარაცხელიამ სადებიუტო მატჩში გოლიც გაიტანა და საგოლე პასიც გააკეთა. ლუჩანო სპალეტის გუნდი მეორე ტურში 21 აგვისტოს, „მონცას“ უმასპინძლებს.