მსოფლიოს ოთხგზის ჩემპიონი სებასტიან ფეტელი ფორმულა 1-ს ტოვებს. ამის შესახებ მან ოფიციალურად განაცხადა.

გერმანელი ფ1-ს მიმდინარე სეზონის დასრულების შემდეგ დაემშვიდობება. „ეს არ იყო იოლი გადაწყვეტილება, ბევრი ვიფიქრე და ჯერაც არ ვიცი, მომავალში რა უნდა გავაკეთო. მინდა, ყველას მადლობა გადაგიხადოთ გულშემატკივრობისთვის, თქვენს გარეშე ფორმულა 1 არ იარსებებდა“, - აღნიშნა გერმანელმა.

სებასტიან ფეტელი ფორმულა 1-ში „რედ ბულის“, „ფერარისა“ და „ასტონ მარტინის“ ღირსებას იცავდა. ის მსოფლიოს ჩემპიონი 2010, 2011, 2012 და 2013 წლებში გახდა, ხოლო გრან პრის მოგება 53-ჯერ მოახერხა.