„იუვენტუსის“ ყოფილი ფეხბურთელი პაულო დიბალა თავისუფალი აგენტია და ახალ კლუბს ეძებს. იტალიურმა მედიამ კი არგენტინელი „ნაპოლისაც“ დაუკავშირა.

როგორც ცნობილი გახდა, ნეაპოლელთა სპორტული დირექტორი კრისტიანო ჯუნტოლი დიბალას გარემოცვას დაუკავშირდა, რათა გაერკვია, როგორი ფინანსური მოთხოვნები აქვს არგენტინელ თავდამსხმელს. ჯერჯერობით, მოლაპარაკებებს საუბარი ნაადრევია და ყველაფერი საწყის სტადიაზე.

დიბალასთვის ბრძოლაში ფავორიტად ისევ მილანის „ინტერი“ რჩება, მიუხედავად იმისა, რომ ბოლო პერიოდში მოლაპარაკებები გართულდა. სამხრეთამერიკელს „მილანსაც“ უკავშირებენ.

შეგახსენებთ, რომ პაულო დიბალამ „იუვენტუსში“ 2015-2022 წლებში 293 მატჩში 115 გოლი გაიტანა, მაგრამ ტურინულმა გრანდმა მასთან კონტრაქტის განახლება არ მოინდომა.