„ნაპოლის“ პრეზიდენტი აურელიო დე ლაურენტისი ხვიჩა კვარაცხელიას სოციალურ ქსელში პოსტით მიესალმა. მან ქართველ ფეხბურთელს წარმატებები უსურვა და იმედოვნებს, რომ ხვიჩა „ნაპოლის“ გამარჯვებებში დაეხმარება.
"კეთილი იყოს შენი მობრძნება ხვიჩა. დაე, ზღვისა და ცის ფერი იყოს შენი სულისა და ფეხების იდენტობის ფერი, რამაც ხელი უნდა შეუწყოს უფრო წარმატებული "ნაპოლის" არსებობას, - დაწერა ნეაპოლიტანური კლუბის მფლობელმა ტვიტერში.
შეგახსენებთ, რომ „ნაპოლიმ“ ხვიჩა კვარაცხელიას ტრანსფერი დღეს ოფიციალურად დაადასტურა. ქართველი ფეხბურთელი რამდენიმე დღეში ნეაპოლში ჩავა, სადაც წარადგენენ, ხოლო კლუბი ახალი სეზონისთვის მზადებას 9 ივლისს დაიწყებს.
