რუდი გარსია მუშაობას საუდის არაბეთში გააგრძელებს და „ალ ნასრის“ მთავარ მწვრთნელად დაინიშნა. ფრანგმა სპეციალისტმა ორწლიანი კონტრაქტი გააფორმა.

გარსია ევროპის მიღმა პირველად იმუშავებს. ის ბოლოს „ლიონის“ მწვრთნელი იყო, რომელსაც 2019-2021 წლებში ავარჯიშებდა, ხოლო მანამდე „სენტ-ეტიენში“, „დიჟონში“, „ლე მანში“, „ლილში“, „რომასა“ და „მარსელში“ იმუშავა.

რუდი გარსიამ ყველაზე დიდ წარმატებას „ლილში“ მიაღწია, რომელსაც 2011 წელს საფრანგეთის ჩემპიონატი და თასი მოაგებინა, ხოლო 2018 წელს „მარსელი“ ევროპა ლიგის ფინალში გაიყვანა.