საქართველოს ვაჟ ჩოგბურთელთა ნაკრებმა დევისის თასის ევროპუსლი ზონის მესამე ჯგუფში პირველი ადგილი დაიკავა და მეორე ჯგუფში აღზევდა.

ქართველმა ჩოგბურთელებმა ჯერ სომხეთი და მერე ლიხტენშტეინი 3:0 დაამარცხეს, ხოლო მესამე ტურში პირველი ადგილისთვის კვიპროსიც 3:0 დაამარცხეს. თუ წინა ორი მატჩი საქართველომ სეტწაუგებლად მოიგო, ამჯერად კვიპროსელებისგან უფრო მეტ კონკურენციას გადააწყდა.

თავდაპირველად საბა ფურცელაძემ მენელაოს ეფსატიუ 3:6. 6:2, 7:6 დაამარცხა, რასაც ალექსანდრე მეტრეველის გამარჯვება მოჰყვა პეტროს ხრისოხოსის წინააღმდეგ (4:6, 6:4, 7:6), ხოლო წყვილებში ალექსანდრ ბაკშისა და ზურა ტყემალაძის დუეტმა ელეფტერიოს ნეოსი და სერგის კირაცისი 6:1, 6:7, 6:4 დაამარცხეს.

საქართველოს ნაკრებმა მეორე ჯგუფის საგზური უკვე მოიპოვა, მაგრამ 25 ივნისს, მესამე ჯგუფის B ჯგუფის გამარჯვებულ ლუქსემბურგს დაუპირისპირდება, თუმცა ამ თამაშის შედეგს გადამწყვეტი მნიშვნელობა არ აქვს, რადგან ორივე ნაკრებმა მეორე ჯგუფის პლეი-ოფის საგზური უკვე მოიპოვა.