1998-1999 წლების სეზონის შემდეგ პირველად „ნოტინგემ ფორესტი“ ინგლისის პრემიერლიგაში ითამაშებს.
ინგლისურმა გუნდმა ჩემპიონშიფის პლეი-ოფის ფინალში „ჰადერსფილდი“ 1:0 დაამარცხა. „უემბლიზე“ სტივ კუპერის გუნდმა ლევი ქოლვის ავტოგოლით იმარჯვა და პრემიერლიგის საგზური მოიპოვა.
1999 წელს, როდესაც „ნოტინგემი“ გავარდა, მას შემდეგ პრემიერლიგაში არ უთამაშია, მაგრამ ნანატრ მიზანს ჩემპიონთა თასის ორგზის ტრიუმფატორმა 23 წლის შემდეგ მიაღწია.
აქვე გეტყვით, რომ „ნოტინგემამდე“ პრემიერლიგაში ლონდონის „ფულჰემი“ და „ბორნმუთი“ დაბრუნდნენ.
