საქართველოს ეროვნული ლიგის მე-14 ტურის დასკვნით შეხვედრაში „დინამო ბათუმმა“ თბილისის „ლოკომოტივს“ უმასპინძლა და 7:2 გაანადგურა.
ბათუმელთა გამარჯვება მოსალოდნელი იყო, რადგან „ლოკომოტივს“ მიმდინარე სეზონში ჯერ ქულა არ აქვს მოპოვებული და აშკარა აუტსაიდერია. 9 გოლი გავიდა და ერთსა და იმავეზე უკეთესი გოლები იყო.
დუბლები შეასრულეს ზურიკო დავითაშვილმა და ჯაბა ჯიღაურმა, თითოჯერ ხვიჩა კვარაცხელიამ, მილან რადინმა და თორნიკე გაფრინდაშვილმა გაიტანეს. ბათუმელთა შვიდივე გოლი ეფექტური იყო, განსაკუთრებით ჯიღაურის, დავითაშვილისა და გაფრინდაშვილის, რომელმაც ვარდნაში გაიტანა. ურიგო გოლები არც სტუმრებს მიუთვლიათ, მაგრამ მოედანზე მიმდინარე მოვლენები ანგარიშზე ზუსტად აისახა.
„დინამო ბათუმმა“ 31 ქულა დააგროვა, რის შედეგადაც „დინამო თბილისსა“ და „ლოკომოტივს“ 5-5 ქულით უსწრებს, ხოლო თბილისის „ლოკომოტივს“ ქულა ჯერაც არ მოუპოვებია და ბოლო ადგილზე უიმედოდ იმყოფება.
„დინამო ბათუმი“ – „ლოკომოტივი“ 7:2 (4:2)
გოლები: 1:0 დავითაშვილი (14), 1:1 ქველაძე (16), 2:1 ჯიღაური (23), 3:1 კვარაცხელია (31), 4:1 ჯიღაური (33), 4:2 ომარაშვილი (37), 5:2 რადინი (48), 6:2 გაფრინდაშვილი (76), 7:2 დავითაშვილი (84)
