საქართველოს საუკეთესო ჩოგბურთელი ნიკოლოზ ბასილაშვილი რომის მასტერსზე ითამაშებს, რომელშიც პირველ შეხვედრას 1/32 ფინალში გამართავს.

ქართველი, რომელიც ATP-ის რეიტინგში 27-ე ადგილზეა, ბრიტანელ დანიელ ევანსს გაეჯიბრება, რომელიც თავის მხრივ 36-ე პოზიციაზე იმყოფება.

ბასილაშვილი და ევანსი ერთმანეთს ერთადერთხელ შეხვედრიან, 2019 წლის 4 ივლისს, უიმბლდონზე და მაშინ ბრიტანელმა სამ სეტში, 6:3, 6:2, 7:6 მოიგო. ამრიგად, ნიკოლოზს რევანში აქვს ასაღები.

აქვე გეტყვით, რომ ნიკოლოზ ბასილაშვილისა და დანიელ ევანსის დაპირისპირება 9 მაისს გაიმართება.