ინგლისის ნაკრებისა და „ლივერპულის“ ყოფილმა თავდამსხმელმა მაიკლ ოუენმა განაცხადა, რომ ვირჯილ ვან დაიკი ფეხბურთის ისტორიაში საუკეთესო მცველია. ვეტერანი ფეხბურთელის აზრით, მას ასეთი ძლიერი მცველი არასდროს უნახავს.

„ჩემი აზრით, ის ისტორიაში საუკეთესო მცველია. რიო ფერდინანდი საუკეთესო მცველია ვისთანაც მითამაშია, მაგრამ როგორც თავდამსხმელი ვუყურებ ვან დაიკს და ვფიქრობ, რა ვქნა მის წინააღმდეგ? ის სხვებზე დიდია, უფრო სწრაფი, უფრო ძლიერი, ფეხით კარგად თამაშობს, გოლებსაც იტანს. მისნაირი მცველი არასდროს მინახავს“, - თქვა ოუენმა.

შეგახსენებთ, „ლივერპულმა“ ვირჯილ ვან დაიკი 2018 წლის იანვარში დაიმატა და მას შემდეგ ნიდერლანდელმა მცველმა 177 თამაშში 16 გოლი გაიტანა. 30 წლის ფეხბურთელს „გრონინგენში“, „სელტიკსა“ და „საუთჰემპტონში“ უთამაშია.