„პალერმოსა“ და „კატანიას“ ყოფილმა სპორტულმა დირექტორმა პიეტრო ლო მონაკომ იტალიურ მედიასთან „ნაპოლიში“ ხვიჩა კვარაცხელიას ტრანსფერზე მოკლე კომენტარი გააკეთა.

გამოცდილმა მენეჯერმა ნეაპოელელებს ხვიჩას შეძენა მოუწონა და თქვა, რომ ის ასაფეთქებლად მზადაა:

„დიდებული შენაძენია. ჩემი აზრით, ის შეიძლება გახდეს ბომბი, ამ მომენტში არის ყუმბარა, რომელიც ასაფეთქებლად მზადაა“, - აღნიშნა ლო მონაკომ.

შეგახსენებთ, რომ სამი დღის წინ „ნაპოლის“ პრეზიდენტმა აურელიო დე ლაურენტისმა ხვიჩა კვარაცხელიას „ნაპოლიში“ ტრანსფერი ოფიციალურად დაადასტურა.