კატალონიის „ბარსელონამ“ რონალდ არაუხოს ახალი კონტრაქტი გაუფორმა. როგორც „ბლაუგრანას“ ვებგვერდი იტყობინება, ურუგვაელი მცველი „კამპ ნოუზე“ 2026 წლის ზაფხულამდე დარჩება.

არაუხოს გამოსასყიდ თანხად ახალ კონტრაქტში 1 მილიარდი ევრო მიუთითეს. 23 წლის სამხრეთამერიკელი პრესკონფერენციას 29 აპრილს, სტადიონზე ჟოან ლაპორტასთან ერთად გამართავს.

შეგახსენებთ, რომ რონალდ არაუხომ 2019 წლიდან „ბარსელონას“ მაისურით 78-ჯერ ითამაშა და მეტოქეთა კარში 6 გოლი გაიტანა.