კატალონიის „ბარსელონა“ ზაფხულის სატრანსფერო პერიოდში შემადგენლობის გაძლიერებას გეგმავს. როგორც ესპანური მედია იტყობინება, ტრანსფერები მთავარი მწვრთნელის, ჩავის მითითებებით განხორციელდება.

ჩავიმ უკვე შეარჩია ის სათამაშო რგოლები, სადაც „ბარსას“ გაძლიერება სჭირდება - ეს არის დაცვის ორივე ფლანგი, გარემარბისა და ფორვარდის პოზიცია. ჯერჯერობით, კონკრეტული სახელები, ვინც შეიძლება „ბარსელონამ“ დაიმატოს არ გავრცელებულა.

აღსანიშნავია, რომ „ბლაუგრანამ“ უკვე შეათანხმა ორი ფეხბურთელის ტრანსფერი და ორივეს უფასოდ დაიმატებს - „ჩელსის“ ცენტრალურ მცველ ანდრეას კრისტენსენსა და „მილანის“ ნახევარმცველ ფრანკ კესის.

შეგახსენებთ, რომ „ბარსელონა“ ლა ლიგაში მეორე ადგილზეა, მაგრამ ლიდერ „რეალს“ 12 ქულით ჩამორჩება. გარდა ამისა, „ბლაუგრანამ“ ევროთასებზე წარუმატებლად ითამაშა - ჩემპიონთა ლიგაზე ჯგუფში ჩარჩა, ხოლო ევროპა ლიგაზე მეოთხედფინალში „აინტრახტთან“ დამარცხდა.