უნგრეთის დედაქალაქ ბუდაპეშტში წყალბურთში მსოფლიოს 2022 წლის ჩემპიონატის ჯგუფური ეტაპის წილისყრა გაიმართა, შედეგად, საქართველოს ნაკრების მეტოქეები გაირკვა.
ქართველი წყალბურთელები A ჯგუფში მოხვდნენ, სადაც ბრაზილიის, უნგრეთისა და მონტენეგროს წინააღმდეგ ითამაშებენ. უნდა აღინიშნოს, რომ ძალიან რთული ჯგუფია.
საქართველოს ნაკრები მსოფლიოს ჩემპიონატზე ისტორიაში პირველად ითამაშებს. აქვე გეტყვით, რომ მსოფლიოს ჩემპიონატი 18 ივნისიდან 3 ივლისამდე უნგრეთის დედაქალაქ ბუდაპეშტში გაიმართება.
