საქართველოს წყალბურთელთა ნაკრებო მსოფლიოს ჩემპიონატზე ისტორიაში პირველად ითამაშებს, რომელიც 18 ივნისიდან 3 ივლისამდე უნგრეთში ჩატარდება.

FINA-მ მონაწილე 16 ნაკრები ოთხ კალათაში განთესა და საქართველო, როგორც ყველაზე დაბალი რეიტინგის მქონე გუნდი მონაწილეთა შორის, ბოლო, მეოთხე კალათაში მოხვდა.

I კალათა

სერბეთი, საბერძნეთი, უნგრეთი, ესპანეთი

II კალათა

მონტენეგრო, აშშ, კანადა, ხორვატია

III კალათა

ბრაზილია, იტალია, გერმანია, ავსტრალია

IV კალათა

სამხრეთ აფრიკა, ყაზახეთი, იაპონია, საქართველო

მსოფლიოს ჩემპიონატის ჯგუფურ ეტაპზე 4 ოთხგუნდიანი ჯგუფი შედგება, წილისყრა კი 12 აპრილს გაიმართება.