„ბარსელონა“ რონალდ არაუხოს უახლოეს მომავალში ახალ კონტრაქტს გაუფორმებს და ურუგვაელი მცველი ესპანურ გრანდში 2026 წლის ზაფხულამდე დარჩება.
ფაბრიციო რომანოს ინფორმაციით, 23 წლის ფეხბურთელის ახალ ხელშეკრულებაში ჩაიდება პუნქტი, რომლის მიხედვით მისი გამოსასყიდი თანხა 1 მილიარდ ევროს შეადგენს. „ბარსელონას“ ასეთი პუნქტი უკვე გამოყენებული აქვს პედრისა და ანსუ ფატისთან მიმართებაში, მომავალში კი იგივეს გაკეთებას გავის კონტრაქტშიც აპირებს.
შეგახსენებთ, რონალდ არაუხომ მიმდინარე სეზონში ყველა ტურნირზე 34 მატჩი ჩაატარა და 4 გოლის გატანა მოახერხა.
