„მანჩესტერ იუნაიტედთან“ პოლ პოგბას კონტრაქტი ეწურება, რომელიც ჯერ არ გაუხანგრძლივებია და როგორც მან ფრანგულ მედიას განუცხადა, არაფერია გადაწყვეტილი. პოგბას თქმით, სურს, რომ ტიტულების მოსაგებად იბრძოლოს.

„ჩემს მომავალთან დაკავშირებით არაფერია გადაწყვეტილი, არაფერია გარკვეული. შემიძლია გადაწყვეტილება ხვალ მივიღო, ისევე, როგორც სატრანსფერო პერიოდში, ვნახოთ. ამჟამად, მხოლოდ სეზონის დასრულებაზე ვფიქრობ. მინდა, ტიტულები მოვიგო, რაღაცისთვის ვითამაშო, რადგან როგორც წელს, ისე ბოლო წლებში არაფერი მოგვიგია. ეს არის ის, რაც სამწუხაროა“, - თქვა პოგბამ.

შეგახსენებთ, რომ პოლ პოგბა „მანჩესტერის“ აკადემიის აღზრდილია, თუმცა 2012 წელს უფასოდ „იუვენტუსში“ გადავიდა, საიდანაც ფრანგი 2016 წელს ინგლისელებმა 105 მილიონ ევროდ იყიდეს. ახლა კი, დიდი შანსია, რომ პოგბამ „მანჩესტერი“ უფასოდ კიდევ ერთხელ დატოვოს.