მადრიდის „რეალი“ უკრაინას ფინანსურად დაეხმარება. როგორც კლუბის ოფიციალურ განცხადებაშია აღნიშნული, ესპანელები უკრაინელი ლტოლვილების დასახმარებლად 1 მილიონ ევროს გადარიცხავენ.

თანხა წითელი ჯვრისა და გაეროს ACNUR-ის ანგარიშებზე გადაირიცხება, რომლებიც მჭიდროს თანამშრომლობენ იმ ადამიანებთან, რომლებიც ომის გამო იძულებული გახდნენ თავიანთი სახლები დაეტოვებინათ.

გარდა ამისა, „რეალმა“ ტანსაცმელი და სპორტული ინვენტარი გაუგზავნა შესაბამის ორგანიზაციებს, რომელთა ოფისები ესპანეთის დედაქალაქში მდებარეობს.