საქართველოს ნაკრებისა და გრაცის „შტურმის“ ფეხბურთელი ოთარ კიტეიშვილი მოედანზე სავარაუდოდ აპრილის დასაწყისში დაბრუნდება.

ავსტრიული კლუბის სპორტულმა დირექტორმა ანდრეას შიკერმა განაცხადა, რომ მისი დაბრუნება სანაკრებო პაუზის შემდეგაა მოსალოდნელი. სანაკრებო ფანჯარა 24-29 მარტსაა და შესაბამისად, ოთარი ვერ საქართველოს ნაკრების დახმარებას შეძლებს უახლოეს ორ ამხანაგურ მატჩში ალბანეთთან და ბოსნიასთან.

კიტეიშვილმა ტრავმა 30 სექტემბერს მიიღო და მიმდინარე სეზონში მის ანგარიშზე 14 მატჩში 4 გოლი და 4 საგოლე პასია.

ქართველი ფეხბურთელი „შტურმის“ დახმარებას სეზონის ბოლო 8 შეხვედრაში მოახერხებს, მისი გუნდი კი ავსტრიის ბუნდესლიგაში მეორე ადგილზეა და ამ პოზიციის შენარჩუნებას ეცდება, რადგან ლიდერ „ზალცბურგთან“ ჩამორჩენა 18 ქულას შეადგენს.