კატალონიის „ბარსელონას“ პრეზიდენტმა ჟოან ლაპორტამ ზაფხულის სატრანსფერო ფანჯარაში „დორტმუნდის“ თავდამსხმელის, ერლინგ ჰოლანდის შესაძლო ტრანსფერზე კომენტარი გააკეთა.
„ბარსას“ ხელმძღვანელმა უარყო გავრცელებული ცნობა, რომლის თანახმადაც, ესპანური გრანდი ნორვეგიელ ფორვარდთან მოლაპარაკებებს აწარმოებს.
„უარვყოფ, რომ ჩვენ დავიწყეთ რაიმე სახის მოლაპარაკება ერლინგ ჰოლანდის ტრანსფერზე. ჩავისა და მისი შეხვედრის შესახებ არაფერი ვიცი, ეს შეკითხვა მე არ მეხება“, - თქვა ლაპორტამ.
შეგახსენებთ, მიმდინარე სეზონში ერლინგ ჰოლანდმა ყველა ტურნირზე ჩატარებულ 20 თამაშში 23 გოლი გაიტანა და 6 საგოლე პასი გააკეთა.
