ლეგენდარული უკრაინელი მოკრივე და ამჟამად კიევის მერი ვიტალი კლიჩკო ფრონტის წინა ხაზზეა და უკრაინის დედაქალაქს იცავს.

50 წლის კლიჩკომ ეს გადაწყვეტილება ჯერ კიდევ გუშინ დააანონსა: „სხვა არჩევანი არ მაქვს, ეს უნდა გავაკეთო, მე ვიბრძოლებ. უკრაინელი ხალხი ძლიერია და ამ საშინელი განსაცდელის ჟამს ერთგული დარჩება საკუთარი თავისა და ქვეყნის. უკრაინელმა ხალხმა დემოკრატია აირჩია“, - თქვა კიევის მერმა.

შეგახსენებთ, რომ ვიტალი კლიჩკომ სპორტული კარიერა 2013 წელს დაასრულა, კიევის მერი კი 2014 წლიდანაა.