მადრიდის „რეალის“ მთავარმა მწვრთნელმა კარლო ანჩელოტიმ „ალავესთან“ გამარჯვების (3:0) შემდეგ კომენტარი გააკეთა. როგორც მან თქვა, პირველ ტაიმში ნაჩვენები თამაშით კმაყოფილი არავინაა და ამიტომაც, ფანების სტვენა მისთვის გასაგებია.

„ეს თამაში გვჭირდებოდა. პირველი ტაიმი უფრო რთული გამოდგა, გარკვეული თვისებები გვაკლდა. ჩვენმა შემტევმა სამეულმა დიდი სამუშაო შეასრულა. პირველ ნახევარში სუსტი წერტილები გვქონდა, მაგრამ გამოვასწორეთ.

რაც შეეხება გულშემატკივრების სტვენას, თამაში არ მოეწონათ და ეს გამოხატეს. თუმცა, პირველ ტაიმში ნაჩვენები თამაშით კმაყოფილი არც არავინ ყოფილა“, - განაცხადა ანჩელოტიმ.

შეგახსენებთ, „რეალმა“ ამ გამარჯვებით 57 ქულა დააგროვა და უახლოეს მდევარ „სევილიას“ 7 ქულით უსწრებს, მაგრამ ანდალუსიელებს 25-ე ტურის მატჩი ჯერ არ ჩაუტარებიათ.