„ლივერპულის“ ლეგენდარულმა მცველმა ჯეიმი კარაგერმა სტუმრად გატანილი გოლის წესის გაუქმებისთვის უეფა გააკრიტიკა.
ინგლისელმა „პარი სენ ჟერმენისა“ და „რეალის“ მატჩის შემდეგ, რომელშიც სტუმრები, ესპანელები მთელი თამაშის განმავლობაში მხოლოდ თავის დაცვაზე ფიქრობდნენ, მოკლე კომენტარი გააკეთა.
„ჩემპიონთა ლიგაზე სტუმრად გატანილი გოლის წესის გაუქმება საშინელი გადაწყვეტილება იყო“, - დაწერა ჯეიმიმ ტვიტერში.
შეგახსენებთ, უეფამ სტუმრად გატანილი გოლის უპირატესობა მიმდინარე სეზონიდან გააუქმა, შესაბამისად, პლეი-ოფის სტადიაზე ორი მატჩის ჯამში თანაბარი ანგარიშის დაფიქსირების შემთხვევაში, დამატებითი დრო დაინიშნება.
