„მანჩესტერ იუნაიტედის“ ფეხბურთელები რალფ რანგნიკთან მუშაობით უკმაყოფილოები არიან. ამის შესახებ ინფორმაციას ESPN ავრცელებს.

წყაროს თანახმად, „წითელი ეშმაკების“ რამდენიმე ფეხბურთელი რანგნიკის „ძველმოდურ“ სავარჯიშო მეთოდებს იწუნებს.

გერმანელმა სპეციალისტმა ოლე გუნარ სულშერი გასული წლის მიწურულს შეცვალა და „იუნაიტედი“ მიმდინარე სეზონის ბოლომდე ჩაიბარა, ხოლო ზაფხულიდან ის კლუბის მენეჯმენტში გადაინაცვლებს.

შეგახსენებთ, „მანჩესტერ იუნაიტედი“ 23 თამაშში მოპოვებული 39 ქულით პრემიერლიგაში ამ დროისთვის მეექვსე ადგილზეა.