არგენტინელმა ჩოგბურთელმა ხუან მარტინ დელ პოტრომ დააანონსა, რომ კარიერის დასრულება გადაწყვიტა. ამის შესახებ მან ბუენოს-აირესში ATP-250 ტურნირის წინ გამართულ პრესკონფერენციაზე განაცხადა, რომელიც 7-დან 13 თებერვლამდე გაიმართება.

დელ პოტრომ თქვა, რომ სპორტს ბუენოს-აირესსა და რიო-დე-ჟანეიროს ტურნირების დასრულების შემდეგ დატოვებს. მან ორივე ტურნირისთვის wild card მიიღო.

2009 წლის US Open-ის ჩემპიონს ტრავმების გამო 2019 წლის შემდეგ არ უთამაშია. დელ პოტრომ ბოლო ოფიციალური მატჩი 2019 წლის ივნისის შუა რიცხვებში ლონდონში ATP-500 ტურნირზე ჩაატარა.

კანადელ დენის შაპოვალოვთან სასტარტო გამარჯვების შემდეგ 7:5, 6:4, ხუან მარტინი ესპანელ ფელიციანო ლოპესთან მატჩში კორტზე არ გასულა. მუხლის ტრავმამ მსოფლიოს ყოფილ მე-3 ჩოგანი აიძულა, რომ ორი წლის განმავლობაში ოპერაცია ოთხჯერ გაეკეთებინა. რამდენჯერმე ხუან მარტინი ახლოს იყო კორტზე დაბრუნებასთან, მაგრამ ყოველ ჯერზე მისი გამოჯანმრთელების დრო იცვლებოდა.