ესპანეთის სამეფო თასის ნახევარფინალური ეტაპის წილისყრა გაიმართა და ტურნირზე შემორჩენილი ოთხი გუნდი დაწყვილდა.

წილისყრის შედეგად, „რაიო ვალეკანო“ „ბეტისს“, ბილბაოს „ატლეტიკი“ კი „ვალენსიას“ დაუპირისპირდება.

პირველი მატჩები 9-10 თებერვალს, ხოლო საპასუხო 2-3 მარტს გაიმართება. რაც შეეხება ფინალს, 23 აპრილს, სევილიაში, „ესტადიო ლა კარტუხაზე“ შედგება.

შეგახსენებთ, რომ „ვალენსიას“ ღირსებას ქართველი მეკარე გიორგი მამარდაშვილი იცავს და ესპანურ კარიერაში პირველივე სეზონში ტიტულის მოგების შანსი აქვს.