„ბარსელონა“ უსმან დემბელეს გაყიდვას ცდილობს და ამისთვის ცოტა დრო აქვს, რადგან სატრანსფერო ფანჯარა დღეს იხურება.

Marca-ს ინფორმაციით, „ბლაუგრანა“ ფეხბურთელის უფასოდ გაშვებას არ აპირებს და სურს, რომ მანამდე გაყიდოს. ამიტომაც, ესპანელებმა „პარი სენ ჟერმენს“ დემბელე 20 მილიონ ევროდ შესთავაზეს.

პსჟ ფრანგი შემტევით დაინრესებულია, მაგრამ შეუძლია ის ზაფხულში უფასოდ დაიმატოს, შესაბამისად, ნაკლები შანსია, რომ ახლა მასში 20 მილიონი ევრო გადაიხადოს.

შეგახსენებთ, დემბელემ, რომელიც „ბარსელონას“ 2017 წელს 185 მილიონ ევროდ შეუერთდა, კლუბთან კონტრაქტის განახლებაზე უარი თქვა, რის გამოც ის გუნდის შემადგენლობას ჩამოაშორეს.