კოლუმბიის ნაკრებისა და „პორტუს“ ნახევარმცველი ლუის დიასი დიდი ალბათობით კარიერას „ლივერპულში“ გააგრძელებს. მხარეებს შორის შეთანხმება პრაქტიკულად მიღწეულია.

„ლივერპული“ „პორტუს“ 55 მილიონ ევროს გადაუხდის და სამხრეთამერიკელი „წითლებს“ შეუერთდება და 5-წლიან კონტრაქტს გააფორმებს.

შეგახსენებთ, რომ 25 წლის კოლუმბიელი ფეხბურთელი „პორტუში“ 2019 წლიდან თამაშობს და 125 მატჩში 41 გოლი გაიტანა, მათ შორის 16 მიმდინარე სეზონში, კოლუმბიის ნაკრებში კი 32 თამაშში თავი 7-ჯერ გამოიჩინა.