კრიშტიანუ რონალდუ „მანჩესტერ იუნაიტედიდან“ წასვლის შესაძლებლობას განიხილავს. ამის შესახებ Daily Mail-ი წერს.
წყაროს თანახმად, რონალდუ ზაფხულში გუნდს დატოვებს, თუ ახალი მთავარი მწვრთნელი, რომელიც რალფ რანგნიკს შეცვლის, არ მოეწონება. ამასთან, ცნობილია, რომ პორტუგალიელი რანგნიკის გუნდში მწვრთნელად მომდევნო სეზონში დარჩენის წინააღდეგია.
რალფ რანგნიკი „იუნაიტედის“ მწვრთნელად ნოემბერში სეზონის ბოლომდე დაინიშნა, მერე კი კლუბის მენეჯმენტში უნდა გადაინაცვლოს.
მიმდინარე სეზონში რონალდუმ პრემიერლიგაში 16 მატჩში 8 გოლი გაიტანა და 3 საგოლე პასი გააკეთა, ხოლო ჩემპიონთა ლიგაზე 5 შეხვედრაში თავი ექვსჯერ გამოიჩინა.
