კატალონიის „ბარსელონა“ უსმან დემბელეს კონტრაქტს გაუხანგრძლივებს. როგორც ესპანური მედია იტყობინება, ფრანგი ფეხბურთელი ახალი ხელშეკრულების გაფორმებას დათანხმდა.

დემბელეს კონტრაქტი მიმდინარე სეზონის ბოლოს ეწურება, მაგრამ მზადაა ის 2 წლით განაახლოს. ჯერჯერობით, უცნობია ხელშეკრულების ფინანსური დეტალები.

უსმან დემბელე „ბარსელონას“ 2017 წელს „დორტმუნდიდან“ შეუერთდა. მიმდინარე სეზონში მან 7 მატჩში მიიღო მონაწილეობა და 1 საგოლე პასი გააკეთა.