იტალიის ნაკრები და არგენტინის ნაკრებები 1 ივნისს, ლონდონში ერთმანეთს დაუპირისპირდებიან, ევროპისა და სამხრეთ ამერიკის ჩემპიონების სტატუსით.
ინფორმაცია უეფამ ოფიციალურად დაადასტურა და კონმებოლს მადლობაც გადაუხადა მიღწეული შეთანხმებისთვის. საინტერესოა, რომ ევროპისა და სამხრეთ ამერიკის ჩემპიონები 1985-1993 წლებში არტემიო ფრანკის სახელობის თასს ერთმანეთში ათამაშებდნენ, რომელიც მოგვიანებით კონფედერაციათა თასმა ჩაანაცვლა.
ახლა კი, შეიძლება ითქვას, ძველი ტრადიცია განახლდა. შეგახსენებთ, იტალიამ ზაფხულში ევრო 2020 მოიგო და ისტორიაში მეორედ გახდა ევროპის ჩემპიონი, ხოლო არგენტინის ნაკრებმა 1993 წლის შემდეგ პირველი ტიტული მოიპოვა.
