კატალონიის „ბარსელონა“ უსმან დემბელესთან კონტრაქტის გახანგრძლივებაზე მოლაპარაკებებს აგრძელებს. ამის შესახებ ჟურნალისტი ჟერარ რომერო ტვიტერში იტყობინება.

წყაროს თანახმად, მიმდინარე კვირაში კლუბი ფეხბურთელის აგენტ მუსა სისოკოს შეხვდება და საბოლოო შეთავაზებას გააკეთებს. „ბარსა“ მზადაა დემბელეს სეზონში 11 მილიონი ევრო შესთავაზოს გადასახადებისა და პრემიების გარეშე. შედეგად, საგადასახადო გამოქვითვის შემდეგ უსმანი წელიწადში 7.5 მილიონ ევროს მიიღებს.

ეს წინადადება სავარაუდოდ საბოლოო ექნება და დემბელეს მოუწევს გადაწყვეტილების მიღება. ფრანგ ფეხბურთელს ესპანურ გრანდთან კონტრაქტი მიმდინარე სეზონის ბოლოს ეწურება.

შეგახსენებთ, რომ უსმან დემბელე „ბარსელონამ“ 2017 წელს „დორტმუნდიდან“ დაიმატა და მას შემდეგ მან 121 შეხვედრაში 30 გოლის გატანა მოახერხა.