საფრანგეთის ეროვნულმა ნაკრებმა მსოფლიოს 2022 წლის ჩემპიონატის შესარჩევ ეტაპზე ყაზახეთის გუნდს დიდი ანგარიშით, 8:0 აჯობა. აღნიშნულ დაპირისპირებაში ფრანგმა თავდამსხმელმა კილიან მბაპემ პოკერი შეასრულა.

OPTA JEAN-ის ინფორმაციით, 22 წლის შემტევი 63-წლიანი პაუზის შემდეგ პირველი მოთამაშე გახდა, რომელმაც ეროვნული გუნდის მაისურით ერთ თამაშში 4 გოლი გაიტანა.

გეტყვით, რომ ბოლოს ეს 1958 წლის მსოფლიო ჩემპიონატზე ჟიუსტ ფონტენმა გააკეთა, რომელმაც მესამე ადგილისთვის შეხვედრაში გერმანიის ეროვნულ გუნდთან პოკერი შეასრულა და ის მატჩი საფრანგეთის გამარჯვებით 6:3 დასრულდა.