ტურინის „იუვენტუსმა“ მიმდინარე სეზონი ცუდად დაიწყო და 60 წლის წინანდელი ანტირეკორდი გაიმეორა.

„ბებერმა ქალბატონმა“ სერია A-ს 11 ტურში 15 გოლი გაუშვა და Opta-ს ცნობით, ბოლოს ასეთი ცუდი შედეგი 1961-1962 წლების სეზონში ჰქონდა. აღსანიშნავია, რომ მაშინ ტურინულმა კლუბმა სეზონი მე-12 ადგილზე დაასრულა.

„იუვემ“ განვლილ 11 ტურში მხოლოდ 4 მატჩი მოიგო (3 ფრე, 4 წაგება) და ამ დროისთვის მეცხრე ადგილზეა, თანაც ტურის უმეტესი მატჩები ჯერ არ ჩატარებულა.