საფრანგეთის ეროვნული ნაკრების ნახევარმცველი პოლ პოგბა "მანჩესტერ იუნაიტედს" დიდი ალბათობით თავისუფალი აგენტის სტატუსით დატოვებს. როგორც Daily Telegraph-ი იუწყება, "წითელი ეშმაკები" ფრანგის იანვარში გაყიდვას არ გეგმავს და ფეხბურთელი გუნდს ზაფხულში დატოვებს.
ფეხბურთელის აგენტმა მინო რაიოლამ რამდენიმე დღის წინ განაცხადა, რომ პოგბას გარშემო სიმშვიდეა და ახალი კონტრაქტის შესახებ მოლაპარაკება არ მიმდინარეობს. აქედან გამომდინარე, პოლი "მანჩესტერ იუნაიტედს" ხუთი წლის შემდეგ დატოვებს.
ფეხბურთელი ინგლისურმა კლუბმა 2016 წელს "იუვენტუსიდან" 89 მილიონ გირვანქა სტერლინგის სანაცვლოდ დაიმატა. მას შემდეგ პოგბამ 218 მატჩი ჩაატარა, გაიტანა 38 გოლი და 49 საგოლე გადაცემა შეასრულა.
