„პარი სენ ჟერმენს“ საფრანგეთის ლიგა 1-ის უახლოეს ტურში კილიან მბაპე დააკლდება. ფრანგი ფეხბურთელი ტურის ცენტრალურ შეხვედრას ინფექციის გამო გამოტოვებს.
ფრანგული კლუბის სამედიცინო შტაბი იმედოვნებს, რომ მბაპე გამოჯანმრთელებს ჩემპიონთა ლიგის მეოთხე ტურში „ლაიფცგითან“ შეხვედრისთვის მოახერხებს მოედანზე დაბრუნებას.
მბაპეს გარდა, შესაძლოა პსჟ-მ ლიონელ მესიც მოისაკლისოს. მაურისიო პოჩეტინომ დაადასტურა, რომ არგენტინელი ფიზიკურ დისკომფორტს განიცდის და დილის ვარჯიში გამოტოვა კიდეც. თუმცა, მისი საკითხი თამაშის დღეს გადაწყდება.
„პარი სენ ჟერმენი“ საფრანგეთის მოქმედ ჩემპიონ „ლილს“ 29 ოქტომბერს დაუპირისპირდება. აქვე გეტყვით, რომ პარიზულ გუნდს ტრავმების გამო ლეანდრო პარედესი, მარკო ვერატი და სერხიო რამოსიც ვერ ეხმარებიან.
