საქართველოს ეროვნული ნაკრების წევრმა ალექსანდრე ფევაძემ ესპანეთში გამორჩეული მატჩი ჩაატარა. მას შემდეგ, რაც კანარის კუნძულების გუნდ “გრან კანარიაში” გადავიდა, 23 წლის ქართველმა საუკეთესო შეხვედრა ჩაატარა. ესპანეთის რანგით მესამე LEB Silver-ში კანარელები ვალენსიას ესტუმრნენ და 87:83 გაიმარჯვეს.

ფევაძემ 38 წუთი ითამაშა და საკუთარ გუნდს 22 ქულა, 9 მოხსნა, 3 პასი და 2 ჩაჭრა შესძინა. ქართველმა კალათბურთელმა 10-დან 7 ორქულიანი, 4-დან 2 სამქულიანი და 3-დან 2 საჯარიმო ჩააგდო, ბურთი 2-ჯერ დაკარგა. 5 პერსონალური შენიშნვნა მიიღო და თამაშს ნაადრევად გამოეთიშა.

ლებ სილვერის აღმოსავლეთ კონფერენციაში გრან კანარია II მე-8 ადგილზეა, მომდევნო მატჩს კი 30 ოქტომბერს, შინ, რეალ კანოესთან ჩაატარებს.