ინგლისური „ლივერპულის“ მთავარმა მწვრთნელმა იურგენ კლოპმა „მანჩესტერ იუნაიტედთან“ (5:0) გამარჯვების შემდეგ კომენტარი გააკეთა. გერმანელი სპეციალისტის განცხადებით, ეს წარმოუდგენელი და გიჟური შედეგია.

„ამას არ ველოდი, რაც მოედნის ბოლო მესამედში გავაკეთეთ, სიგიჟე იყო, შესანიშნავი გოლები გავიტანეთ. შესვენებაზე ფეხბურთელებს ვუთხარი, რომ უფრო კარგად უნდა გვეთამაშა. წარმოუდგენლად კარგად დავიწყეთ და თამაშს ვაკონტროლებდით. მეტი გოლის გატანა გვინდოდა, მაგრამ ტრავმების თავიდან აცილებაც.

ეს უბრალოდ გიჟური შედეგია, რაღაც განსაკუთრებული, მაგრამ გიჟებივით არ აღვნიშნავთ, მეტოქეს პატივს ვცემთ. გარკვეულწილად გაგვიმართლა, რომ „იუნაიტედი“ ამჟამად არ არის საუკეთესო ფორმაში. უფრო ბედნიერი ვერ ვიქნებოდი, განსაკუთრებული და წარმოუდგენელი შედეგია“, - თქვა კლოპმა.

შეგახსენებთ, „ლივერპული“ ინგლისის პრემიერლიგაში ერთადერთი დაუმარცხებელი გუნდია, მაგრამ ლიდერი არაა, რადგან „ჩელსის“ ქულით ჩამორჩება.