ჩემპიონთა ლიგის ჯგუფური ეტაპის „ბრიუგესთან“ მე-3 ტურის მატჩის წინ, „მანჩესტერ სიტის“ ნახევარმცველმა, კევინ დე ბრუინმა, ჟურნალისტებს უთხრა, რომ მიმდინარე სეზონში ტურნირში გამარჯვებას შეეცდებიან.

„ქომაგები ჩვენს ჩემპიონთა ლიგაზე გამარჯვებას ელიან. ძალიან გვინდა გამარჯვება. ამისათვის ყველაფერს ვაკეთებთ. ბოლო ექვსი წლის განმავლობაში წინ და წინ მივიწვდით და აი, გასულ სეზონში ფინალში ვითამაშეთ. სამწუხაროდ დავმარცხდით. ახლა კი თასის მოგებას შევეცდებით.“ - ციტირებს ბელგიელი ვარსკვლავის სიტყვებს უეფას პრესსამსახური.

„ბრიუგესა“ და „სიტის“ მატჩი დღეს, 19 ოქტომბერს, ბრიუგეს „იან ბრეიდელის“ სტადიონზე გაიმართება. თბილსის დროით 20 საათსა და 45 წუთზე დაიწყება.