კრიშტიანუ რონალდუს აგენტი ჟორჟე მენდეში მიიჩნევს, რომ წელს „ოქროს ბურთს“ მისი კლიენტი იმსახურებს. როგორც მან აღნიშნა, რონალდუ ისტორიაში საუკეთესო გოლეადორი და ფეხბურთელია, რასაც ისევ ამტკიცებს და „ოქროს ბურთს“ ყველაზე მეტად ახლა იმსახურებს.

„სტატისტიკა საუბრობს მის შესახებ და ეს საკმარისი უნდა იყოს. 115 გოლი გაიტანა პორტუგალიის ნაკრებში და რეკორდსმენი გახდა. ის ფეხბურთის ისტორიაში საუკეთესო ბომბარდირია. გადამწყვეტი ფეხბურთელია და აგრძელებს დამტკიცებას, რომ ისტორიაში საუკეთესო ფეხბურთელია. ნუ დაგავიწყდებათ, რომ კრიშტიანუ გახდა იტალიის რთული ჩემპიონატის საუკეთესო ბომბარდირი, მოიგო ყველაფერი სამ განსხვავებულ და ძალიან კონკურენტუნარიან ქვეყნებში, როგორებიცაა იტალია, ესპანეთი და ინგლისი. ეს ყველაფერი სრულიან კანონზომიერად. ჩემი აზრით, „ოქროს ბურთს“ ერთი სახელი აქვს: კრიშტიანუ რონალდუ. ის არასდროს იმსახურებდა მის მოგებას იმაზე მეტად, ვიდრე წელს“, - თქვა მენდეშმა.

შეგახსენებთ, France Football-ი „ოქროს ბურთის“ გამარჯვებულის ვინაობას 29 ნოემბერს დაასახელებს.