ტირასპოლის „შერიფის“ მეკარე გეორგიოს ათანასიადისი ჩემპიონთა ლიგის მეორე ტურის საუკეთესო ფეხბურთელად დასახელდა.

ბერძენმა მეკარემ მადრიდის „რეალთან“ შესანიშნავად ითამაშა, 11 სეივი შეასრულა და თავისი გუნდის ისტორიულ გამარჯვებაში (2:1) უდიდესი წვლილი შეიტანა.

ათანასიადისმა ტურის საუკეთესო მოთამაშის წოდებისთვის ბრძოლაში „ინტერის“ მცველ მილან შკრინიარს, „ბენფიკას“ შემტევ დარვინ ნუნიესსა და „ბაიერნის“ ნახევარმცველ ლეროი სანეს აჯობა.