საფრანგეთის ნაკრებს კილიან მბაპე გამოაკლდა. როგორც ადგილობრივი ფეხბურთის ფედერაცია იტყობინება, „პარი სენ ჟერმენის“ შემტევმა შეკრება დატოვა.
მან დაზიანება ბოსნიასთან (1:1) მატჩში მიიღო და როგორც სამედიცინო გამოკვლევამ აჩვენა, დიდიე დეშამის გუნდს მომდევნო ორ შეხვედრაში ვერ დაეხმარება. თუმცა, ჯერ უცნობია, როდის გავა ის მოედანზე და შეძლებს თუ არა სანაკრებო პაუზის მერე პსჟ-ს დახმარებას.
მიმდინარე სეზონი მბაპემ შედეგიანად დაიწყო და საფრანგეთის ლიგა 1-ში ჩატარებულ ოთხ მატჩში 4 გოლი გაიტანა.
