„მანჩესტერ იუნაიტედმა“ პრემიერლიგის რეკორდი დაამყარა და სტუმრად ზედიზედ 28 მატჩია არ დამარცხებულა. ოლე გუნარ სულშერის გუნდმა მესამე ტურში „ვულვზის“ მეისონ გრინვუდის 81-ე წუთზე გატანილი გოლით მოუგო (1:0) და „არსენალის“ რეკორდი გააუმჯობესა.

„მანჩესტერს“ პრემიერლიგაში ბოლო 28 თამაშიდან 18 მოგებული აქვს და 10-ჯერ ფრეს დასჯერდა. მანამდე რეკორდი ლონდონის „არსენალს“ ეკუთვნოდა, რომელმაც 2003-2004 წლებში სტუმრად მიჯრით 27 წაუგებელი თამაში ჩაატარა.

შეგახსენებთ, „მანჩესტერ იუნაიტედს“ პრემიერლიგის მიმდინარე სეზონში სამ ტურში 7 ქულა აქვს მოპოვებული.