„მანჩესტერ იუნაიტედის“ ყოფილმა მცველმა, გარი ნევილმა, ჟურნალისტებს კრიშტიანუ რონალდუს „იუვენტუსიდან“ „იუნაიტედში“ გადასვლის შესახებ თავისი აზრი გაუზიარა.

„ფანტასტიკური სიახლეა. ეს ნოსტალგიაა, რომელიც, სხვათა შორის, ყოველთვის არ მუშაობს ფეხბურთში. მაგრამ იმის გაფიქრება, რომ კრიშტიანუ შეიძლება „სიტიში“ გადასულიყო, ჩვენს ქომაგებს ჭკუიდან გადაიყვანდა. რონალდუ მოდის რათა ჯილდოები მოიგოს და ააფეთქოს პრემიერლიგა. მაგრამ ყველამ უნდა გაითვალისწინოს, რომ ის უკვე სხვა რონალდუა.“ - ციტირებს ნევილის სიტყვებს Sky Sports.

რონალდუ „მანჩესტერის“ ღირსებას 2003-09 წლებშიც იცავდა, საიდანაც მადრიდის „რეალში“ გადავიდა, 2018-ის ზაფხულში კი ის „იუვენტუსის“ ფეხბურთელი გახდა.