„პარი სენ ჟერმენის“ თავდამსხმელ კილიან მბაპეს „რეალში“ გადასვლა მიმდინარე ზაფხულს სურს. ესპანური მედიის ცნობით, ფეხბურთელმა თავისი პოზიცია მტკიცედ დააფიქსირა და კონტრატქის განახლებას არ აპირებს.

ფრანგის ხელშეკრულება 2022 წელს იწურება, მაგრამ მას უნდა, რომ მადრიდის „რეალში“ ახლავე გადავიდეს. ესპანური კლუბის მზადაა პსჟ-ს შესაბამისი წინადადება წარუდგინოს.

პარიზელთა პრეზიდენტი ნასერ ალ-ხელაიფი მბაპესთან უახლოეს დღეებში შეხვედრას გეგმავს, რომ ყველაფერი საბოლოოდ გაარკვიონ. აღსანიშნავია, რომ ანდერ ერერას დაბადების დღეზე კლუბის მთელი შემადგენლობა იყო, მაგრამ არ ყოფილა მბაპე, რამაც ეჭვები კიდევ უფრო გააძლიერა.

შეგახსენებთ, კილიენ მბაპე პსჟ-ს 2017 წელს „მონაკოდან“ იჯარით შეუერთდა, ხოლო 2018 წელს პარიზელებმა მისი სატრანსფერო უფლებები გამოისყიდეს.