3 აგვისტოს ტოკიოს ოლიმპიურ თამაშებში ბერძნულ-რომაულ ჭიდაობაში ორი ქართველი ჩაერთვება - მსოფლიოს ჩემპიონი ლაშა გობაძე და რამაზ ზოიძე. წილისყრის შედეგად ორივე მოჭიდავის მეტოქეები გაირკვა.

67 კგ წონით კატეგორიაში რამაზ ზოიძე მერვედფინალში კუბელ ისმაელ ბორერო მოლინას შეხვდება, რომელიც მოქმედი ოლიმპიური ჩემპიონია. ქართველი მოჭიდავე ამ ბარიერს თუ დაძლევს, მეოთხედფინალში სულეიმან ნასრისა და აკერ ალ ობაიდის წყვილში საუკეთესოს დაუპირისპირდება.

87 კგ წონით კატეგორიაში ლაშა გობაძე მერვედფინალში უზბეკ რუსტემ ასაკალოვს შეხვდება, ხოლო გამარჯვების შემთხვევაში მეოთხედფინალში ხორვატ ივან ჰუკლეკისა და ამერიკე ჯონ ვალტერ სტეფანოვიჩს შორის გამარჯვებულს დაუპირისპირდება. ამავე წონაში ასპარეზობს სერბეთის სახელით ზურაბ დათუნაშვილი, რომელიც უკრაინელი ზან ბელენიუკის წინააღმდეგ იჭიდავებს. სხვათა შორის, თუ დათუნაშვილი და გობაძე მერვედფინალსა და მეოთხედფინალს გადალახავენ, ნახევარფინალში ერთმანეთს შეხვდებიან.

3 აგვისტოს ბერძნულ-რომაულ ჭიდაობაში წინასწარი შეხვედრები თბილისის დროით დილის 7 საათიდან დაიწყება.