ნიდერლანდების ნაკრებს ბოლო პერიოდში ლუის ვან გაალს უკავშირებენ და 69 წლის სპეციალისტი არ გამორიცხავს, რომ წინადადებას დათანხმდეს. მან კომენტარი ევრო 2020-ზეც გააკეთა და იმედოვნებს, რომ ჩემპიონი იტალიის ნაკრები გახდება.

„უეფამ სერიოზული შეცდომა დაუშვა ფორმატის შეცვლით. 16-დან 24 გუნდზე გადასვლამ ტურნირის დონე შეამცირა. ჯგუფურ ეტაპზე მატჩების უმეტესობა საინტერესო არ იყო.

იტალია საუკეთესო გუნდია, რომელიც ტურნირზე ვნახე, იმედი მაქვს, რომ ფინალში გაიმარჯვებს. მათ თამაშის შეცვლა შეძლეს და კატენაჩო მიატოვეს, რათა გუნდური ფეხბურთი ეთამაშათ, რომელშიც მთავარი არის გუნდი და არა ინდივიდი.

ნიდერლანდების ნაკრებში დაბრუნება? მესამედ თუ შემომთავაზებენ, ეს წარმოუდგენელი იქნება, ამ შემთხვევაში უნდა ვიფიქრო, მიუხედავად იმისა, რომ პენსიაზე ვარ“, - თქვა ვან გაალმა.

შეგახსენებთ, ლუის ვან გაალს 2016 წლის შემდეგ, როდესაც „მანჩესტერ იუნაიტედი“ დატოვა, არსად უმუშავია. ის ნიდერლანდების ნაკრებში 2000-2002 და 2012-2014 წლებში მუშაობდა.