"რომასა" და იტალიის ნაკრების მცველ ლეონარდო სპინაცოლას სამედიცინო გამოკვლევა ჩაუტარდა, რომელმაც მძიმე ტრავმის შესახებ მანამდე გავრცელებული მოლოდინი დაადასტურა.
სპინაცოლას აქილევსის მყესი აქვს გაწყვეტილი და საოპერაციოა. ქირურგიული ჩარევა მას 7 ივლისს, ფინეთში ჩაუტარდება და ამის შემდეგ გახდება ცნობილი, რა პერიოდით ვერ მოახერხებს მოედანზე გასვლას.
შეგახსენებთ, რომ ლეონარდო სპინაცოლა ევრო 2020-ზე შესანიშნავად თამაშობდა და ორჯერ მატჩის საუკეთესო ფეხბურთელადაც დასახელდა. 28 წლის ფეხბურთელი ბელგიასთან (2:1) შეხვედრის მიწურულს დაშავდა.
