"ფიორენტინას" მთავარი მწვრთნელი "სპეციას" აწ უკვე ყოფილი დამრიგებელი ვინჩენცო იტალიანო გახდა. აღნიშნულ ინფორმაციას "იების" ოფიციალური ვებგვერდი ავრცელებს. ვინჩენცომ ახალ კლუბთან კონტრაქტი 2023 წლის ივლისამდე გააფორმა.

იტალიანომ აღნიშნულ პოსტზე ჯენარო გატუზო ჩაანაცვლა, რომელმაც კლუბი დანიშვნიდან სამი კვირის შემდეგ დატოვა. ვინჩენცო გასული ორი სეზონი "სპეციას" წვრთნიდა. იტალიანოს ხელმძღვანელობით გუნდმა 2019/20 წლების სეზონში სერია A-ს საგზური მოიპოვა, ხოლო გასულ სათამაშო წელს იტალიის უმაღლეს ჩემპიონატში ადგილი შეინარჩუნა.