ქართველი ტანმოვარჯიშე სალომე ფაჟავა ტოკიოს ოლიმპიურ თამაშებზე იასპარეზებს. 23 წლის სპორტსმენს ლიცენზია უკვე ერგო.
ფაჟავას მასპინძლის ქვოტა ერგო. იაპონიას 2 ლიცენზია უკვე მოპოვებული ჰქონდათ და ტანვარჯიშის საერთაშორისო ფედერაციამ გამოთავისუფლებული ერთი ადგილი ქართველ ტანმოვარჯიშეს გადასცა.
ფაჟავა 32-ე ქართველი სპორტსმენია, რომელსაც ტოკიოს ლიცენზია აქვს და ოლიმპიურ თამაშებზე საქართველოს წარადგენს.
შეგახსენებთ, რომ ტოკიოს ოლიმპიური თამაშები 23 ივლისიდან 8 აგვისტოს ჩათვლით გაიმართება.
